Dwarna

Il-regola u l-ħajja tal-patrijiet minuri hija din: li jgħixu l-Vanġelu ta’ Sidna Ġesù Kristu.

Il-Provinċja Maltija tal-Patrijiet Minuri Konventwali, imsejħin ukoll ‘Franġiskani Konventwali’,

iġġib l-isem uffiċjali ta’ “PROVINĊJA MALTIJA OFM Conv. ta’ San Pawl Appostlu.”

Provincja Maltija San Pawl Appostli - Patrijiet Minuri Konventwali

Il-Provinċja Maltija tal-Franġiskani Konventwali tgħodd 35 reliġjuż.

Il-patrijiet tal-Provinċja Maltija ta’ San Pawl Appostlu tal-Patrijiet Minuri Konventwali reġgħu kkonfermaw lil Patri Colin Charles Sammut bħala Ministru Provinċjal għat-tieni mandat tiegħu.

Patri Colin Charles Sammut, mill-Qawra, twieled fit-8 ta’ Novembru tal-1981. Hu daħal mal-Patrijiet Minuri Konventwali fl-2002 u wara li studja l-Filosofija fl-Università ta’ Malta fis-snin tal-postulandat. Fl-2005, Patri Colin Charles Sammut beda s-sena tan-Novizzjat f’Osimo, l-Italja, waqt li fis-6 ta’ Settembru tal-2006 għamel il-Professjoni Sempliċi u fl-10 ta’ Settembru tal-2010 għamel dik Solenni. Fit-12 ta’ Diċembru tal-istess sena ġie ordnat Djaknu u fit-3 ta’ Lulju tal-2011 ġie ordnat Saċerdot. Il-konferma ta’ Patri Colin Charles Sammut bħala Ministru Provinċjal ngħatat waqt li l-Provinċja Maltija ta’ San Pawl Appostlu tal-Patrijiet Minuri Konventwali ċċelebrat il-31 Kapitlu Provinċjali Ordinarju fiċ-Ċentru Kulturali Franġiskan ta’ Birkirkara.